У дзяржаўным спецыяльным ПТВ закрытага тыпу №1 лёгкай прамысловасці днямі адбылася навагодняя сустрэча ў межах акцыі “Нашы дзеці” з удзелам міністра жыллёва-камунальнай гаспадаркі Андрэя ХМЕЛЯ.
Навучэнкі СПТВ з хваляваннем чакалі прыезду гасцей і старанна да яго рыхтаваліся. «Касмічнае падарожжа» з першых хвілін захапіла ўсіх без выключэння ўдзелькаў свята і павяло ў чароўны свет навагодніх прыгод. Прысутныя на мерапрыемстве пачэсныя госці былі актыўнымі ўдзельнікамі навагодняга прадстаўлення. Карагоды, творчыя нумары і крэатыўныя конкурсы – свята каля ёлкі падаравала сапраўдную цёплую сустрэчу з дзяцінствам і адчуванне казкі.
А якое ж свята без падарункаў. Выхаванкам установы ад міністра жыллёва-камунальнай гаспадаркі былі падараваны салодкія пачастункі і сучасная камп’ютарная тэхніка. Сярод пажаданняў, якія прагучалі ў адрас дзяўчат ад Андрэя ХМЕЛЯ – берагчы і цаніць кожны дзень уласнага жыцця, напаўняючы яго добрымі справамі і светлымі марамі.
– Галоўнае – верыць, што ўсё ў жыцці магчыма, калі вельмі моцна гэтага хацець і прыкладваць дзеля гэтага намаганні. Марце і працуйце – і ўсё ў вас атрымаецца. Не забывайце, што вы частка нашай любімай Беларусі, і дзяржава заўсёды будзе пра вас клапаціцца, – пажадаў Андрэй Валер’евіч.
View the embedded image gallery online at:
https://gkx.by/novosti/novosti/3510-new-year-kazka#sigProId69a92dc8ae
Ад калектыва СПТВ у падарунак госці атрымалі ўласныя вырабы.
Навагоднія святы даюць нам, дарослым, дадатковую магчымасць падарыць дзецям часцінку цяпла, каб яны верылі ў дабро, сваю будучыню, у тое, што патрэбныя сваёй краіне.
Галіна Казак, «Петрыкаўскія навіны»
Фота аўтара
Источник: gkx.by